Hartzaileak eta ikastetxe parte-hartzaileak:

Antzezlana Derrigorrezko Bigarren Hezkuntzako eta Derrigorrezkoaren Ondoko Hezkuntzako ikasleei, hots, 12 urtetik 18 urtera bitarteko gazteei, zuzendua dago.

Joan den urtean guztira 8797 ikasle bertaratu dira antzezlanera.

Balorazioa:

Ikuskizuna keinuen bidez iristen zaie nerabeei, eta horrek zirrara handia sortzen du beraiengan. Hori horrela, antzezlanaren ondoren ikasgelan egingo diren eztabaida eta lanerarako pizgarri bilakatzen da.

Behin egin zen, 2002-2003 ikasturtean eta modu esperimentalean, baliagarria ote zen eta 12 urtetik 18 urtera bitarteko ikasleei nahiz irakasleei gustatzen ote zitzaien egiaztatzeko. Azkenean, oso zirraragarria eta gateen artean alkoholaren gehiegizko kontsumoaren eta horren kalteen inguruan hausnarketa pizteko oso positiboa izan zela ondorioztatu zen, funtsean gazteentzat mimo-ikuskizun batetan parte hartzeak duen pizgarriari esker. Datu horiekin, irakasleentzako benetan sentsibilizatzailea eta ordu askoko mintzaldiak edo bestelako haliabide teknikoak baino askoz ere eraginkorragoa izan da. Ikasleei egin zaizkien inkesstatan artisaren interpretazioa eta eszenaratzea nabarmentzen dira, eta baita ikuskizunak alkoholaren kontsumoari lotutako arriskuei buruz ohartarazteko duen gaitasuna ere.

Irakasleentzako gidaren aurkezpena hobetu egin da; CD baten bidez, irakasleari lan-fitxak hautatzeko edota eratzeko aukera ematen zaio. Gazteengan duen eragin emozionala dela-eta, programa hau finkatu egin daiteke. Izan ere, mimoaren bidez, singulartzasun propioko koraza faltsua galdu eta beste norbait gehiago direla sentiaratzen zaie gazteei, alkoholaren arriskuak beste edozeinek bezala pairatu ditzaketela aditzera emanez.